Պորտուգալացի Ռուի Մոտան կհեռանա «Նոայից»։ Այս մասին հայտնում է ինսայդեր Սուրեն Մելիքսեթյանը։
«Իմ տեղեկություններով Ռուի Մոտան վերջին ամիսներին հաշտ չի եղել հայկական ֆուտբոլի մի շարք իրողությունների և անձանց հետ, չնայած ակումբի կողմից ստացել է լիակատար աջակցություն բոլոր հարցերում: Մոտան հունիսին առաջարկներ է ստացել տարբեր երկրներից, որից հետո «Նոայից» ակնկալել է կամ ավելի բարելավված պայմաններով առաջարկ կամ եվրագավաթներից առաջ թիմին թողնել առանց մարզչական շտաբի: «Նոայի» ղեկավարության մոտ այս քայլը զարմանք է առաջացրել, քանի որ մարզիչը ստացել է բարձր վարձատրություններ, սպորտային անհրաժեշտ բոլոր պայմանները և դեռ մեկ մրցաշրջանի պայմանագիր ունի:
Իմ տեղեկություններով Հայաստանի չեմպիոնն արդեն պայմանավորվել է նոր բարձրակարգ մասնագետի հետ, որը շուտով կնշանակվի «Նոայի» գլխավոր մարզչի պաշտոնում, իսկ Մոտան մեծ հավանականությամբ կգլխավորի «Լուդոգորեցը»»—գրել է Սուրեն Մելիքսեթյանը:
