Ռուս դարպասապահը հեռացել է Ուրարտուից. նա 82 խաղի է մասնակցել
Ռուս դարպասապահ Ալեքսանդր Մելիխովի և «Ուրարտու» ֆուտբոլային ակումբի միջև պայմանագիրն ավարտվել է և կողմերը որոշել են չերկարաձգել այն։ Այս մասին հայտնում է երևանյան ակումբի մամուլի քարտուղարությունը:
Ֆուտբոլիստն ակումբին միացել էր 2022 թվականի ամռանը։
Մելիխովը երևանյան թիմի կազմում անցկացրել է 82 պաշտոնական հանդիպում, որոնցից 30-ում դարպասը պահել է անառիկ։ 2022/23 մրցաշրջանում դարպասապահն «Ուրարտուի» կազմում դարձել է Հայաստանի չեմպիոն և գավաթակիր։
Ակումբը շնորհակալություն է հայտնում ֆուտբոլիստին ելույթների համար և մաղթում հաջողություն հետագա կարիերայում։
