Լոկոմոտիվից հաստատել են. հայտնի է՝ որ թիմ կտեղափոխվի Տիկնիզյանը
Մոսկվայի «Լոկոմոտիվի» խորհրդի անդամ Վալերի Ֆիլատովը հաստատել է պաշտպան Նաիր Տիկնիզյանի՝ «Ցրվենա Զվեզդա» տեղափոխվելու մասին լուրը:
«Մաղթենք նրան հաջողություն: Նա պետք է հաջողության հասնի Սերբիայում: Նրանք խաղում են Եվրոպայում, այնտեղ նրա համար մի փոքր ավելի հետաքրքիր կլինի», - Ֆիլատովի խոսքերն է մեջբերում «Match TV»-ն:
Տիկնիզյանը չորս տարի անցկացրել է «Լոկոմոտիվում»:
«Եթե նրան վաճառեին ավելի լուրջ և թանկ ակումբի, դա իսկապես լավ կլիներ», - հավելել է Ֆիլատովը:
Ավելի վաղ հաղորդվում էր՝ Տիկնիզյանը հունիսի 21-ին կմեկնի Բելգրադ:
