Կոնֆերենցիաների լիգա. Փյունիկի և Ուրարտուի հնարավոր մրցակիցները որակավորման առաջին փուլում
Շվեյցարիայի Նիոն քաղաքում այսօր կկայանա նաև Կոնֆերենցիաների լիգայի որակավորման առաջին փուլի վիճակահանությունը:
Այս մրցաշարում հայկական երկու թիմ է ընդգրկված՝ Հայաստանի Պրեմիեր լիգայի բրոնզե մեդալակիր «Ուրարտուն» ու 4-րդ հորիզոնականը զբաղեցրած «Փյունիկը»: Հայկական երկու թիմերն էլ ընդգրկվել են բարձր վարկանիշ ունեցող ակումբների զամբյուղում:
Ըստ ՈւԵՖԱ-ի դասակարգման, «Ուրարտուն» ընդգրկված է 2-րդ խմբի թիմերի զամբյուղում, որտեղ թիմի հավանական մրցակիցներն են՝ բելառուսական «Նեմանը», մալթական «Բիրկիրկարան», վրացական «Տորպեդո Քութայիսին» և մակեդոնական «Սիլեկսը»։
«Փյունիկը» ընդգրկված է 6-րդ խմբի թիմերի զամբյուղում, որտեղ թիմի հավանական մրցակիցներն են՝ «Սանտա Կոլոմա» (Անդորրա), «Ռասինգ Յունիոն» (Լյուքսեմբուրգ), «Տրե Ֆիորի» (Սան Մարինո), «Ռաբոտնիչկի» (Հյուսիսային Մակեդոնիա):
