Հոլանդական «Այաքսը» հետաքրքրված է «Կրասնոդարի» հայ կիսապաշտպան Էդուարդ Սպերցյանի ծառայություններով:
Ակումբը կարող է փորձել պայմանագիր կնքել ֆուտբոլիստի հետ ամառային տրանսֆերային պատուհանի ժամանակ։ Այս մասին հայտնում է sport-express-ը:
2024/2025 մրցաշրջանում Էդուարդ Սպերցյանը «Կրասնոդարի» կազմում ընդհանուր առմամբ անցկացրել է 35 խաղ Ռուսաստանի Պրեմիեր լիգայում և Ռուսաստանի գավաթում՝ դառնալով 11 գոլի և 7 գոլային փոխանցման հեղինակ:
Transfermarkt ինտերնետային պորտալը 25-ամյա կիսապաշտպանի շուկայական արժեքը գնահատում է 25 միլիոն եվրո, ֆուտբոլիստի պայմանագիրը «Կրասնոդարի» հետ նախատեսված է մինչև 2026 թվականի ամառը։
Հիշեցնենք, որ նախորդ մրցաշրջանի արդյունքներով «ցլերը» ակումբի պատմության մեջ առաջին անգամ դարձան Ռուսաստանի չեմպիոն։
