Կարեն Խաչանովը դուրս է եկել Հալլեի մրցաշարի քառորդ եզրափակիչ

Աշխարհի 22-րդ ռակետ, Ռուսաստանը ներկայացնող հայ թենիսիստ Կարեն Խաչանովը դուրս է եկել Գերմանիայի Հալլե քաղաքում անցկացվող ATP-500 թենիսի մրցաշարի քառորդ եզրափակիչ՝ 1/8 եզրափակիչ խաղում 6:3, 1:6, 6:3 հաշվով առավելության հասնելով կանադացի Ֆելիքս Աուգեր-Ալիասիմի նկատմամբ։

Հանդիպումը տևել է 1 ժամ 42 րոպե։ 

Հալլեի մրցաշարի քառորդ եզրափակիչում Կարեն Խաչանովը կխաղա ռուս թենիսիստ Անդրեյ Ռուբլյովի և արգենտինացի Թոմաս Մարտին Էչևերիի միջև խաղի հաղթողի հետ։