Հաստատվել են եվրագավաթներում հայկական թիմերի հանդիպումների անցկացման վայրերն ու ժամանակացույցները

Հաստատվել է ՈՒԵՖԱ-ի հովանու ներքո անցկացվող եվրոպական մրցաշարերին Հայաստանից մասնակցող թիմերի հանդիպումների անցկացման վայրերն ու ժամանակացույցները։

«Նոան», որը պայքարը կսկսի Չեմպիոնների լիգայի որակավորման 1-ին փուլի «Բուդոչնոստի» դեմ խաղով, 1-ին հանդիպումը կանցկացնի հուլիսի 8-ին՝ Աբովյանի «Վահագն Թումասյանի անվան» մարզադաշտում։ Մեկնարկը՝ 20։00-ին։ Թիմերի միջև պատասխան խաղը կկայանա հուլիսի 15-ին՝ Պոդգորիցայի «Քաղաքային» («Գրադսկի») մարզադաշտում ու կմեկնարկի 23։00-ին։

«Ուրարտուն», որը Կոնֆերենցիաների լիգայի որակավորման 1-ին փուլում կմրցի բելառուսական «Նեման Գրոդնոյի» դեմ, 1-ին հանդիպումը կանցկացնի «Ուրարտու» մարզադաշտում։ Այդ խաղը կմեկնարկի 20։30-ին։

Պատասխան խաղը թիմերի կանցկացնեն հուլիսի 17-ին Հունգարիայի Դյոր քաղաքում՝ «Դյորմոտ» ստադիոնում։ Խաղի մեկնարկը նախատեսված է 22։00-ին։

«Փյունիկը» ևս պայքարը կսկսի ԿԼ-ի որակավորման 1-ին փուլից՝ Սան Մարինոն ներկայացնող «Տրե Ֆիորիի» դեմ արտագնա խաղով: Այդ խաղը կկայանա հուլիսի 10-ին՝ Ֆիորենտինո քաղաքի «Կամո Սպորտիվո դի Ֆիորենտինո Ֆեդերիկո Կրեսկենտի» մարզադաշտում։ Մեկնարկը նախատեսված է 23։00-ին։ Պատասխան խաղը կկայան հուլիսի 17-ին՝ «Հանրապետական» մարզադաշտում։ Մեկնարկը՝ 20։00-ին։