Բռնցքամարտի կանանց հավաքականը նախապատրաստվում է աշխարհի առաջնությանը

Հայաստանի բռնցքամարտի կանանց հավաքականն ուսումնամարզական հավաք է սկսել Ծաղկաձորում` նախապատրաստվելով մարտին Սերբիայում կայանալիք աշխարհի առաջնությանը։ Այս մասին հայտնում է ՀԲՖ մամուլի քարտուղարությունը:

Կանանց հավաքականի գլխավոր մարզիչ Վազգեն Բադալյանի գլխավորությամբ հավաքին մասնակցում է 11 բռնցքամարտիկ։ Թիմում են նաև 2022 թվականի Եվրոպայի չեմպիոն ու նույն ստուգատեսի գործող բրոնզե մեդալակիր Անի Հովսեփյանը, Եվրոպայի բրոնզե մեդալակիր Անուշ Գրիգորյանը, նաև մինչև 23 տարեկանների Եվրոպայի կրկնակի չեմպիոն Էլիդա Քոչարյանը։

12-օրյա հավաքի ընթացքում մարզչական կազմը հիմնական շեշտը դնելու է մարզուհիների ֆիզիկական որակները բարելավելու վրա։