ԱԱԱ․ Ինտերը հաղթանակ կորզեց վերջին վայրկյաններին (տեսանյութ)

Աշխարհի ակումբային առաջնության խմբային փուլի 2-րդ տուրում «Ինտերը» մրցում էր ճապոնական «Ուրավա Ռեդ Դայմնդսի» հետ ու կամային հաղթանակի հասավ։

Հանդիպման հաշիվը բացեց Ռիոմա Վատանաբեն 11-րդ րոպեին։ 78-րդ րոպեին հաշիվը հավասարեցրեց Լաուտարո Մարտինեսը, իսկ հիմնական ժամանակին ավելացրած 2-րդ րոպեին Վալենտին Կարբոնին հաղթանակ պարգևեց «Ինտերին»։

Հայաստանի ազգային հավաքականի լավագույն ռմբարկու Հենրիխ Մխիթարյանը խաղադաշտ դուրս եկավ 2-րդ կեսի մեկնարկից։

Այս հաղթանակի շնորհիվ «Ինտերը» վաստակում է 4 միավոր ու այս պահին խմբի առաջատարն է։

Վերջին տուրում իտալական ակումբը կմրցի «Ռիվեր Փլեյթի» հետ։