Սանթոսի տեղափոխությունը Փյունիկ չի կայացել․ Ակումբի հայտարարությունը
Ինչպես տեղեկացնում է «Փյունիկի» մամուլի ծառայությունը, բրազիլացի պաշտպան Խամես Սանթոսի տեղափոխությունը «Փյունիկ» չի կայացել, քանի որ բժշկական հետազոտության արդյունքները չեն համապատասխանել ակումբի բժշկական անձնակազմի կողմից ակնկալվող արդյունքներին։
«Հարկ ենք համարում ընդգծել, որ ակումբում բոլոր որոշումները կայացվում են մասնագիտական սկզբունքներով՝ թիմի ընդհանուր շահերից ելնելով», - նշված է հայտարարության մեջ։
Հիշեցնենք, որ «Փյունիկը» Սանթոսի տեղափոխության մասին պաշտոնապես հայտարարել էր հուլիսի 19-ին։
Ակումբը ֆուտբոլիստին մաղթել է հաջողություն հետագա կարիերայում։
