Սիրողական լիգայի առաջին 3 տեղերը զբաղեցրած թիմերը կմասնակցեն Հայաստանի գավաթի խաղարկությանը

ՀՖՖ Սիրողական ֆուտբոլի Ա լիգայի 2024/2025 մրցաշրջանում առաջին երեք հորիզոնականները զբաղեցրած թիմերը՝ «Արարատի Արաքսը», «Վայքը» և «Կիլիկիան», պարգևատրվեցին Հայաստանի գավաթի 2025/2026 խաղարկության ուղեգրերով։

Այս մասին տեղեկացնում է Հայաստանի Ֆուտբոլի Ֆեդերացիան։

Հիշեցնենք, որ այս թիմերը ավարտված մրցաշրջանում ևս մասնակցել են գավաթի խաղարկությանը, սակայն ոչ մեկին չի հաջողվել հաղթահարել նախընտրական փուլի արգելքը։