Հայաստանի ազգային հավաքականի նախկին ֆուտբոլիստը տեղափոխվեց Ռոտոր

Հայաստանի ազգային հավաքականի ու «Փյունիկի» նախկին կիսապաշտպան Դավիդ Դավիդյանը տեղափոխվեց Ռուսաստանի Առաջին լիգան ներկայացնող «Ռոտոր»։ Այս մասին տեղեկացրել է ռուսական ակումբի մամուլի ծառայությունը։

Նշվում է, որ պայմանագիրը նախատեսված է մինչև այս մրցաշրջանի ավարտ։

Հիշեցնենք, որ Դավիդյանն իր կարիերայի ընթացքում հանդես է եկել նաև «Արարատում», «Ալաշկերտում», «Խիմկիում» և «Փյունիկում»։

27-ամյա ֆուտբոլիստը 3 հանդիպում է անցկացրել Հայաստանի ազգային հավաքականի կազմում։

«Ռոտորը» բարի գալուստ է մաղթել Դավիդյանին։