Ամենայն հարգանքով՝ ես սիրում եմ ֆուտբոլը խաղի, այլ ոչ թե փողի համար. Մխիթարյանն ասել է՝ որը կլինի իր վերջին ակումբը
Հայաստանի ազգային հավաքականի նախկին ավագ Հենրիխ Մխիթարյանը la Repubblica-ին տված հարցազրույցում խոստովանել է, որ «Ինտերը» կլինի իր վերջին թիմը. ֆուտբոլիստը բացառել է Հայաստանի առաջնություն վերադառնալու հնարավորությունը։
«Ես չեմ ուզում ավարտել կարիերաս, ապա զղջալ, որ դա շատ շուտ արեցի։ «Ինտերից» հետո՝ վերջ։ Ես չեմ ուզում իջեցնել իմ մակարդակը։ Ես չեմ վերադառնա Հայաստան։ Սաուդյան Արաբիայի նման ուղղությունները նույնպես ինձ չեն հետաքրքրում։
Ամենայն հարգանքով, ես սիրում եմ ֆուտբոլը խաղի, այլ ոչ թե փողի համար։ Ամեն առավոտ ես արթնանում եմ մարզվելու և ցույց տալու ցանկությամբ, թե ինչի եմ ընդունակ»,- ասել է Մխիթարյանը։
