Mix Fight ֆեդերացիայի մարզիկների փայլուն մեկնարկը WBC մուայթայի աշխարհի առաջնությունում

Իտալիայում ընթանում է WBC մուայթայի աշխարհի առաջնությունը։

Հայաստանի ներկայացուցիչ Դավիթ Քարամյանը ոսկե մեդալ է նվաճել մինչև 8 տարեկանների 24 կգ քաշային խմբում։

Մինչև 16 տարեկանների 52 կգ քաշայինների պայքարում էլ բրոնզե մեդալ է նվաճել Սարգիս Ավետիսյանը։

Այսօր ռինգ են դուրս եկել նաև 55 կգ քաշային Նարեկ Շմավոնյանն ու 38 կգ քաշային Գրիգոր Ազիզյանը։

Հիշեցնենք, որ Mix Fight ֆեդերացիայի փոխնախագահ Հրաչ Ազիզյանի գլխավորությամբ Հայաստանից Վերոնա էին մեկնել 9 մարզիկ։