Երևանի ԲԿՄԱ-ի ստուգողական խաղը Կիպրոսում անավարտ է մնացել ծեծկռտուքի պատճառով
Կիպրոսում ուսումնամարզական հավաք անցկացնող Երևանի ԲԿՄԱ-ի ու Լիմասոլի «Կարմիոտիսսա» միջև կայացած ընկերական խաղում ծեծկռտուք է տեղի ունեցել։ Այս մասին հայտնի է դարձել Sportmedia.am-ին։
Լարվածությունը հասել է այն աստիճանի, որ գլխավոր մրցավարը ստիպված է եղել դադարեցնել խաղը։ Դեպքի վերաբերյալ մանրամասները հայտնի չեն։
Ուշագրավ է, որ երևանյան ակումբը հայտարարել էր «Կարմիոտիսսայի» հետ կայանալիք խաղի մասին, սակայն, ոչ միայն որևէ տեղեկություն չկա տվյալ խաղի վերաբերյալ, այլև՝ ֆեյսբուքյան էջից հեռացվել է սպասվող խաղի մասին հրապարակումը։
Ֆաստեքս Հայաստանի Պրեմիեր լիգայի գարնանային հատվածից առաջ ԲԿՄԱ-ն 20 միավորով 7-րդն է։
Այս տարի առաջին պաշտոնական խաղը բանակայինները կանցկացնեն մարտի 2-ին՝ սեփական հարկի տակ ընդունելով «Վեստ Արմենիային»։
