Խորվաթ վինգերը Նոայի կազմում մասնակցել է ստուգողական խաղին

Խորվաթ վինգեր Ալեն Գրգիչը «Նոայի» կազմում մասնակցել է Սլովակիան ներկայացնող «Դունայսկա Ստրեդայի» դեմ ստուգողական խաղին։

30-ամյա ֆուտբոլիստը հանդես է եկել խորվաթական տարբեր թիմերում։ Վերջին թիմը եղել է «Սլավեն Բելուպոն»։

Նշենք, որ «Նոայի» ուսումնամարզական հավաքին մասնակցում են նաև «Նոայի» 2-րդ թիմի մի քանի երիտասարդ ֆուտբոլիստներ։

Հիշեցնենք, որ երևանյան թիմը նորանշական գլխավոր մարզիչ Սանդրո Պերկովիչի գլխավորությամբ հավաք է անցկացնում Ավստրիայում՝ նախապատրաստվելով ՉԼ որակավորման առաջին փուլի Չեռնոգորիայի «Բուդոչնոստի» հետ դիմակայությանը։

Թիմերի առաջին խաղը կկայանա Աբովյանում` հուլիսի 8-ին։