Բոսնիայի չեմպիոնը հետաքրքրված է Ժիրայր Շաղոյանի ծառայություններով
Հայաստանի ազգային հավաքականի ու «Արարատ-Արմենիայի» ֆուտբոլիստ Ժիրայր Շաղոյանի ծառայություններով հետաքրքրված է Բոսնիա և Հերցեգովինայի չեմպիոն «Զրինսկին»։
Մեր տեղեկություններով «Զրինսկին» Շաղոյանին դիտարկում է ձախ վինգերի թեկնածու։
24-ամյա ֆուտբոլիստից զատ բոսնիական ակումբը դիտարկում է նաև 28-ամյա Լեո Միկիչի տարբերակը։ «Զրինսկին» պայմանագիր կստորագրի այս ֆուտբոլիստներից մեկի հետ։
Հիշեցնենք, որ Բոսնիա և Հերցեգովինան ներկայացնող ակումբը պատրաստվում է Չեմպիոնների լիգայի որակավորման 1-ին փուլի «Վիրտուսի» դեմ հանդիպմանը։
