Ուրարտուի հավանական մրցակիցը հեռացվել է Կոնֆերենցիաների լիգայից
Կոնֆերենցիաների լիգայի որակավորման 1-ին փուլում «Ուրարտուն» մրցելու է բելառուսական «Նեման Գրոդնոյի» հետ։ Վերջինիս արգելքը հաղթահարելու դեպքում երևանյան ակումբը միանգամից կհայտնվի 3-րդ տուրում։ Ի՞նչն է պատճառը։
Այսօր հայտնի դարձավ, որ հայկական ակումբի հավանական մրցակից, Սլովակիան ներկայացնող «Դունայսկա Ստրեդան» հեռացվել է ՈՒԵՖԱ-ի հովանու ներքո անցկացվող մրցումներին։
Հնարավոր խախտումների վերաբերյալ ուսումնասիրության ավարտից հետո, ՈՒԵՖԱ-ն հայտարարել է, որ ակումբը հեռացվել է ղեկավարման քաղաքականության պատճառով։ Ինչպես հայտնում է ՈՒԵՖԱ-ի մամլո ծառայությունը, հեռացման պատճառը «շահերի բախումն է»։
«Դունայսկա Ստրեդայի» նախագահ Օսկար Վիլագին հանդիսանում է նաև հունգարական «Դյորի» նախագահը, ինչը եվրագավաթներում հանդես եկող ակումբների պարագայում անթույլատրելի է։
Քանզի վիճակահանությունն արդեն կայացել է, «Ուրարտուն» «Նեմանի» արգելքը հաղթահարելուց հետո միանգամից կհայտնվի 3-րդ փուլում։
Հիշեցնենք, որ հունգարական «Դյորն» էլ 2-րդ փուլում համարվում է «Փյունիկի» հավանական մրցակիցը։
Հետևե՛ք մեզ՝ Instagram-ում, Telegram-ում, TikTok-ում։
