Փյունիկի ուկրաինացի պաշտպանները չեն մասնակցել Զենիթի դեմ ընկերական խաղին

«Փյունիկի» ուկրաինացի պաշտպաններ Անտոն Բրատկովն ու Սերգեյ Վակուլենկոն չեն մասնակցել «Զենիթի» հետ ընկերական հանդիպմանը, գրում է Championat.com-ը:

Նշենք, որ երկու խաղացողներն էլ հայաստանյան ակումբի առանցքային խաղացողներն են։ Այս մրցաշրջանում Բրատկովը բոլոր մրցաշարերում մասնակցել է «Փյունիկի» 18 հանդիպման՝ խաղադաշտում անցկացնելով 1493 րոպե։ Վակուլենկոն մասնակցել է 15 հանդիպման, որոնցում կատարել է մեկ գոլային փոխանցում։ Ընդհանուր առմամբ Սերգեյը խաղադաշտում անցկացրել է 1172 րոպե։

Թիմերը խաղացել են Emirates Palace հյուրանոցի ուսումնամարզական դաշտում (Աբու Դաբի, ԱՄԷ): Մրցավարի մեկնարկային սուլիչը հնչել է Երևանի ժամանակով 11:00-ին։ Ռուսական ակումբը հաղթել է 2։0 հաշվով։