Փյունիկի հավանական մրցակիցն ընկերական խաղում հաղթել է Բաչկա-Տոպոլային

Կոնֆերենցիաների լիգայի որակավորման 2-րդ փուլին պատրաստվող «Դյորն» ընկերական հանդիպում է անցկացրել սերբական «Բաչկա-Տոպոլայի» հետ ու հաղթել 3։1 հաշվով։

Ավելի վաղ, «Դյորը» ոչ-ոքի էր խաղացել չեխական «Լիսենի» հետ (1։1)։

«Դյորն» ընկերական հանդիպումներ կանցկացնի նաև իսրայելական «Մաքքաբի Հայֆայի» ու խորվաթական «Սլավեն Բելուպոյի» հետ։

Հիշեցնենք, որ հունգարական թիմի հետ, Կոնֆերենցիաների լիգայի որակավորման 3-րդ փուլի ուղեգիրը վիճարկելու է «Տրե Ֆիորի»-«Փյունիկ» զույգի հաղթողը։