Կոնֆերենցիաների լիգայի որակավորման 1-ին փուլի 1-ին խաղում «Ուրարտուն» ընդունել էր բելառուսական «Նեմանին»։
Հայկական ակումբը զիջեց 1։2 հաշվով։
48-րդ րոպեին Գոռ Մատինյանի պաշտպանած դարպասին նշանակվեց 11-մետրանոց հարված, սակայն 21-ամյա դարպասապահը փայլուն սեյվ կատարեց։ Րոպեներ անց Անտոն Սուչկովը բացեց հանդիպման հաշիվը։ Տեսանյութը՝ այստեղ։ 53-րդ րոպեին Պավել Սավիտսկին խփեց իր թիմի 2-րդ գոլը, իսկ դրանից 15 րոպե անց Նիկոլաս Կալուկյանը կրճատեց հաշվի տարբերությունը։ Տեսանյութը՝ այստեղ։
Հիմնական ժամանակին ավելացրած 4-րդ րոպեին Գոռ Մատինյանը 1 դրվագում ստանալով 2 դեղին քարտ՝ հեռացվեց խաղադաշտից, իսկ նրա փոխարեն մինչ եզրափակիչ սուլիչը «Ուրարտուի» դարպասը պաշտպանեց հարձակվող Վլադիսլավ Յակովլևը։
Թիմերի միջև պատասխան հանդիպումը կկայանա հուլիսի 17-ին՝ Հունգարիայում։
