Կարեն Նալբանդյանը՝ FASTEX ՀՊԼ-ի 2024/25 մրցաշրջանի լավագույն ֆուտբոլիստ

«Ալաշկերտի» կիսապաշտպան Կարեն Նալբանդյանը, որը նախորդ մրցաշրջանն անցկացրել է «Վանում», ճանաչվել է Fastex Հայաստանի Պրեմիեր լիգայի 2024/25 մրցաշրջանի լավագույն ֆուտբոլիստ։

Քվեարկության արդյունքում Նալբանդյանը ստացել է ձայների մեծամասանությունը։

Քվեարկությանը մասնակցել են երկրպագուները, սպորտային լրագրողները, Fast TV-ի մեկնաբաններն ու ակումբների ավագները։

Հիշեցնենք, որ լավագույնի կոչմանը հավակնում էին նաև «Նոայի» ֆուտբոլիստներ Հելդեր Ֆերեյրան ու Գոնսալո Գրեգորիոն, «Արարատ-Արմենիայի» նախկին հարձակվող Տենտոն Յեննեն, «Փյունիկի» դարպասապահ Հենրի Ավագյանը, որ նախորդ մրցաշրջանի 2-րդ հատվածն անցկացրել էր «Արարատ-Արմենիայում» և Արտյոմ Պոլյարուսն ու Նարեկ Աղասարյանը՝ «Ուրարտուից»։