Ռուս պաշտպանը պայմանագիր կկնքի Երևանի Ուրարտուի հետ

Ռուս պաշտպան Դմիտրի Տիխին կդառնա հայկական «Ուրարտուի» խաղացող։ Այս մասին հայտնում է Metaratings-ը։

Նշվում է, որ ֆուտբոլիստը հաստատել է համաձայնագիրը նոր ակումբի հետ։ Վաղը՝ փետրվարի 14-ին, նա կմեկնի Դուբայ (ԱՄԷ), որտեղ մինչև մրցաշրջանի ավարտը պայմանագիր կկնքի «Ուրարտուի» հետ։ Հաղորդվում է, որ Տիխին ռուսական ակումբներից ևս առաջարկներ է ունեցել, սակայն նախապատվությունը տվել է հայկական թիմին:

Ռուսաստանի Պրեմիեր լիգայի ընթացիկ մրցաշրջանում 32-ամյա Դմիտրի Տիխին չորս հանդիպում է անցկացրել Նիժնի Նովգորոդի «Պարիի» կազմում։ Նրա հետ պայմանագրի խզման մասին հայտարարվել է 2024 թվականի նոյեմբերին։