Ուրարտուն խոշոր հաշվով զիջեց Նեմանին ու դուրս մնաց Կոնֆերենցիաների լիգայի

Կոնֆերենցիաների լիգայի որակավորման 1-ին փուլի պատասխան խաղում «Ուրարտուն» Հունգարիայում մրցում էր բելառուսական «Նեմանի» հետ ու զիջեց 0։4 հաշվով։

«Նեմանի» կազմում աչքի ընկան Պավել Սավիտսկին (42՛), Եգոր Զուբովիչը (58'), Սերգեյ Պուշնյակովը (82') և Մաքսիմ Կրավցովը (88')։

Հիշեցնենք, որ թիմերի միջև կայացած 1-ին խաղը ևս ավարտվել էր «Նեմանի» հաղթանակով՝ 2։1 հաշվով։

Այսպիսով, Ռոբերտ Արզումանյանի թիմը լքում է Կոնֆերենցիաների լիգան։

Հիշեցնենք, որ եվրագավաթային մրցաշրջանում պայքարը, Չեմպիոնների լիգայի որակավորման 2-րդ փուլու շարունակում է «Նոան», որը մրցելու է Հունգարիայի չեմպիոն «Ֆերենցվարոշի» հետ։

Կոնֆերենցիաների լիգայի որակավորման 2-րդ փուլում հանդես կգան «Փյունիկը», որն այսօր ավելի վաղ պայքարից դուրս թողեց Սան Մարինոն ներկայացնող «Տրե Ֆիորիին», ու «Արարատ-Արմենիան», որը կմրցի ռումինական «Ունիվերսիտատեա Կլուժի» հետ։