Ցրվենա Զվեզդան մեկնարկեց ջախջախիչ հաղթանակով․ Տիկնիզյանը մասնակցեց ամբողջ հանդիպմանը

Սերբիայի առաջնության 1-ին տուրում «Ցրվենա Զվեզդան» ընդունել էր «Յավոր Իվանիցային» ու ջախջախեց 4։0 հաշվով։

Տանտերերի մեկնարկային կազմում էր ընդգրկված Հայաստանի ազգային հավաքականի պաշտպան Նաիր Տիկնիզյանը, որը մասնակցեց ամբողջ հանդիպմանը։

Պաշտպանը հեղինակավոր SofaScore կայքի կողմից արժանացել է 7,6 գնահատականի։

Սերբիայի գործող չեմպիոնը հաջորդ հանդիպումը կանցկացնի Չեմպիոնների լիգայի որակավորման 2-րդ փուլի շրջանակում՝ հյուրընկալվելով «Լինքոլն Ռեդ Իմփսին»։