Կրասնոդարը հաղթեց մեկնարկային տուրում․ Սպերցյանը՝ գոլի ու գոլային փոխանցման հեղինակ (տեսանյութ)

Ռուսաստանի Պրեմիեր լիգայի 2025/26 մրցաշրջանի 1-ին տուրում «Կրասնոդարը» հյուրընկալվել էր «Պարի Նիժնի Նովգորոդին» ու հաղթեց 3։0 հաշվով։

Հայաստանի ազգային հավաքականի կիսապաշտպան Էդուարդ Սպերցյանն ընդգրկված էր «Կրասնոդարի» մեկնարկային կազմում ու դարձավ գոլային փոխանցման, ապա գոլի հեղինակ։

Նախ 40-րդ րոպեին Սպերցյանի փոխանցումից աչքի ընկավ Դիեգո Կոստան (տեսանյութը՝ այստեղ), ապա 65-րդ րոպեին մրցակցի պաշտպան Վիկտոր Ալեքսանդրովը գրավեց սեփական դարպասը, ինչից 3 րոպե անց Սպերցյանը դարձավ գոլի հեղինակ՝ ձևակերպելով վերջնական հաշիվը (տեսանյութը՝ այստեղ)։ 78-րդ րոպեին 25-ամյա կիսապաշտպանը փոխարինվեց։

Այսպիսով, Ռուսաստանի գործող չեմպիոնը վաստակում է 3 միավոր։ Հաջորդ տուրում «Կրասնոդարի» մրցակիցը Մոսկվայի «Լոկոմոտիվն» է։