Շերիֆը ոչ-ոքի խաղաց․ Սերոբյանը մասնակցեց խաղին

Մոլդովայի առաջնության 5-րդ տուրում «Շերիֆը» հյուրընկալվել էր «Պետրոկուբին»։ Հանդիպումն ավարտվեց 0։0 հաշվով։

Հայաստանի ազգային հավաքականի ֆուտբոլիստ Արթուր Սերոբյանն ընդգրկված էր «Շերիֆի» մեկնարկային կազմում ու փոխարինվեց 74-րդ րոպեին։

Այս հանդիպումից հետո Տիրասպոլը ներկայացնող ակումբը 13 միավորով գլխավորում է մրցաշարային աղյուսակը։

Սերոբյանի թիմը հաջորդ խաղը կանցկացնի Եվրոպա լիգայի որակավորման 2-րդ փուլի շրջանակում՝ մրցելով նիդերլանդական «Ուտրեխտի» հետ։