Հայտնի են Արարատ-Արմենիայի ու Փյունիկի հավանական մրցակիցները ԿԼ-ի որակավորման 3-րդ փուլում

Շվեյցարիայի Նիոն քաղաքում կայացավ Կոնֆերենցիաների լիգայի որակավորման երրորդ փուլի վիճակահանությունը։

Հայաստանի փոխչեմպիոն «Արարատ-Արմենիան» ռումինական «Ունիվերսիտատեա Կլուժի» արգելքը հաղթահարելու դեպքում 3-րդ փուլում կմրցի «Ակտոբե» (Ղազախստան) - «Սպարտա Պրահա» (Չեխիա) զույգի հաղթողի հետ, իսկ«Փյունիկը» հունգարական «Դյորի» արգելքը հաղթահարելու դեպքում, փլեյ-օֆֆի ուղեգիրը կվիճարկի ԱԻԿ (Շվեդիա) - «Պայդե» (Էստոնիա) զույգի հաղթողի հետ։

ԿԼ-ի որակավորման 3-րդ փուլի հանդիպումները նախատեսված են օգոստոսի 7-ին ու 14-ին։

Հիշեցնենք, որ «Արարատ-Արմենիա»-«Ունիվերսիտատեա Կլուժ» ու «Փյունիկ»-«Դյոր» դիմակայությունների 1-ին հանդիպումները կկայանան հուլիսի 24-ին և կմեկնարկեն 20։00-ին։