Հայաստանն այսօր ներկայացուցիչ կունենա նաև Պարադահուկավազքի աշխարհի առաջնությունում

Իտալիայի Տոբլախ քաղաքում ընթացող պարադահուկավազքի աշխարհի առաջնության 20 կմ ազատ ոճում այսօր հանդես կգա Հայաստանի ներկայացուցիչ Գարիկ Մելքոնյանը, որը նորամուտն է նշում աշխարհի առաջնություններում:

ԱԱ-ի 10 կմ դասական ոճում Գարիկ Մելքոնյանն օրերս 14 պետությունների 30 մարզիկների շրջանում զբաղեցրել է 13-րդ հորիզոնականը՝ հավաքելով 144.50 միավոր:

Մրցավայր են մեկնել նաև մարզիչներ Արթուր Միքայելյանը, Ալլա Միքայելյանը և Թադևոս Պողոսյանը:

Ավելի վաղ հայտնել էինք, որ պատմության մեջ առաջին անգամ Հայաստանը ներկայացնող լեռնադահուկորդը հաղթահարել է աշխարհի առաջնության որակավորման փուլը և դուրս եկել եզրափակիչ:  Հայաստանի լեռնադահուկային սպորտի հավաքականի առաջատար Գլեբ Մոսեսովը Ավստրիայի Զալբախ քաղաքում ընթացող մեծահասակների աշխարհի առաջնությունում եզրափակիչ է դուրս եկել հսկա ոլորավայրէջք մրցաձևում:

Մոսեսովը 59 երկրի 133 մարզիկների շրջանում զբաղեցրել է 23-րդ հորիզոնականը. եզրափակչի ուղեգիր են նվաճել լավագույն արդյունք ցույց տված 50 լեռնադահուկորդները: Եզրափակիչը ևս փետրվարի 14-ին է:

Հայաստանի մյուս ներկայացուցիչ Հարություն Հարությունյանը զբաղեցրել է 58-րդ հորիզոնականը: