ԲԿՄԱ-ն ընկերական խաղում զիջել է թուրքմենական թիմին

Վրաստանում ուսումնամարզական հավաք անցկացնող ԲԿՄԱ-ն ընկերական հանդիպում է անցկացրել Թուրքմենստանի Բարձրագույն խմբի ներկայացուցիչ «Ալտին Ասիրի» հետ ու զիջել է 1։4 հաշվով։

Ավելի վաղ բանակայինները 0։3 հաշվով պարտվել էին վրացական «Թելավիին»։

Հիշեցնենք, որ այս հավաքի ընթացքում Արմեն Գյուլբուդաղյանցի գլխավորած թիմը պատրաստվում է Fastex Հայաստանի Պրեմիեր լիգայի 2025/26 մրցաշրջանին, որի 1-ին տուրում մրցելու է «Ուրարտուի» հետ։