Ավարտված է միայն 1-ին կեսը․ Դժվար խաղ է սպասվում․ Եղիշե Մելիքյանը՝ Դյորի դեմ խաղից հետո (տեսանյութ)

Կոնֆերենցիաների լիգայի որակավորման 2-րդ փուլի «Փյունիկ»-«Դյորի» հանդիպումից հետո երևանյան ակումբի գլխավոր մարզիչ Եղիշե Մելիքյանը պատասխանել է լրագրողների հարցերին․

«Շնորհավորում եմ բոլորին։ Սա բոլորիս հաղթանակն է։ Շատ բան չեմ ուզում խոսել խաղի մասին, որովհետև մեր խաղը այս թիմի հետ չի վերջացել։ Ընդամենը առաջին կեսն է վերջացել։ Այո, հաճելի է, վստահություն է տալիս, բայց 2-րդ խաղակես ունենք ու պետք է լուրջ պատրաստվենք։ Տակտիկապես ճիշտ աշխատեցինք ու փակեցինք «Դյորի» բոլոր ուժեղ կողմերը»։

«Ափսոսում եմ գոլի համար, որը բաց թողեցինք։ Միլկովիչը շատ լավ ֆուտբոլ խաղաց, գոհ եմ իրենից։ Փառք Աստծո հաղթեցինք։ Շարժվում ենք առաջ»։

«Պետք է ճիշտ պատրաստվենք արտագնա խաղին։ Դժվար խաղ է սպասվում մեզ։ Իրենք պատրաստ են, իսկ մենք առայժմ, կրկնեմ, լավ փորձաշրջան չենք անցել, որ կարողանանք լավ վիճակում լինել։ Հուսով եմ՝ խաղից խաղ կավելացնենք»։

«Ուրախ եմ, որ գոլ բաց թողեցինք պատահական, ոչ թե տակտիկապես»։

Մանրամասն տեսանյութում․



Հիշեցնենք, որ «Փյունիկը» հաղթել էր 2։1 հաշվով։ Թիմերի միջև պատասխան հանդիպումը կկայանա հուլիսի 31-ին՝ Հունգարիայում։