Ակումբի գլխավոր տնօրեն Ալեքսեյ Բալիբերդինը խոսելով նոր համագործակցության մասին՝ ասել է հետևյալը․ «Մեզ համար կարևոր է համագործակցել այնպիսի բրենդների հետ, որոնք կիսում են մեր արժեքներն ու տեսլականը։ Shoonch-ը տեղական նոր բրենդ է, որը արագ զարգանում է և արդեն այսօր ոգեշնչում է իր մոտեցմամբ։ Այն ոչ միայն ջուր է, այլև էներգիայի, ներշնչանքի և առաջ շարժվելու խորհրդանիշ։ Համոզված եմ, որ միասին կարող ենք հասնել նոր բարձունքների և ուրախություն պարգևել մեր երկրպագուներին»,-Ալեքսեյ Բալիբերդին խոսքերն է փոխանցում երևանյան ակումբի պաշտոնական կայքը։
Հիշեցնենք, որ Fastex Հայաստանի Պրեմիեր լիգայի 1-ին տուրում՝ օգոստոսի 4-ին, «Ալաշկերտը» կմրցի «Փյունիկի» հետ։ Հանդիպումը կկայանա Արմավիրի «Քաղաքային» մարզադաշտում և կմեկնարկի 17:30-ին։
