Բասկետբոլի Հայաստանի Մ18 հավաքականը՝ Եվրոպայի առաջնության C դիվիզիոնի բրոնզե մեդալակիր
Հայաստանի մինչև 18 տարեկանների հավաքականն ավարտեց իր ելույթները Ալբանիայում անցկացվող Եվրոպայի առաջնության C դիվիզիոնում:
Հայաստանի հավաքականն Արեգ Վաթյանի գլխավորությամբ, 81։77 հաշվով առավելության հասնելով Անդորրայի թիմի նկատմամբ, նվաճեց առաջնության բրոնզե մեդալները:
Հանդիպման ամենաարդյունավետ խաղացողները Ռաֆայել Մասումյանն ու Սեբաստիան Հացակորզյանն էին, նրանք դարձել են դաբլ դաբլի հեղինակ: Մասումյանը վաստակել է 18 միավոր և կատարել 13 ռեբաունդ, իսկ Հացակորզյանը վաստակել է 25 միավոր և կատարել 12 ռեբաունդ:
Հիշեցնենք, որ խմբային փուլում Հայաստանի հավաքականն հաղթել էր Սան Մարինոյի, Մոնակոյի Ջիբրալթարի ընտրանիներին, զիջել էր Կիպրոսին, իսկ կիսաեզրափակիչում պարտվել էր Լյուքսեմբուրգի ընտրանուն։
