Շնորհակալ եմ այս հոյակապ երկրին․ Օտուբանջոյի հրաժեշտի խոսքը՝ Փյունիկից հեռանալուց հետո

«Փյունիկի» նախկին հարձակվող Յուսոօֆ Օտուբանջոն երևանյան ակումբը լքելուց հետո ինստագրամյան իր էջում գրառում է կատարել՝ հայտնելով իր հրաժեշտի խոսքը․

«Ողջույն բոլորին։ Գիտեմ, կան հարցեր, որոնք պետք է պատասխաններ ստանան, բայց հիմա ուզում եմ շնորհակալություն հայտնել այս հոյակապ երկրին, որն ինձ տվեց փորձ ու հիշողություններ։ Երախտապարտ եմ ամեն ինչի համար։

Շնորհակալ եմ «Արարատ-Արմենիային» համեստ սկզբի համար։ Այն ինձ համար դարձավ ոչ միայն ակումբ, այլ նաև տուն։

«Փյունիկ», չեմ կարող ասել այս ամենը․․մի անգամ մի իմաստուն մարդ ինձ ասել է, որ երբ ճիշտ ժամանակը գա, դու կզգաս և կընտրես լավագույնը, քանի որ յուրաքանչյուրը գիտի՝ ինչ է ուզում և ինչ է անում»: 

Հիշեցնենք, որ «Փյունիկի» նախկին հարձակվողը պայմանագիր է կնքել Ուզբեկստանի չեմպիոն «Նասաֆ Քարշիի» հետ։