Խաչանովը դուրս է եկել Տորոնտոյի Մասթերսի 4-րդ շրջան

Ռուսաստանը ներկայացնող հայ թենիսիստ Կարեն Խաչանովը դուրս է եկել Կանադայում ընթացող Մասթերս մրցաշարի 1/8 եզրափակիչ` 3-րդ շրջանի խաղում առավելության հասնելով  ամերիկացի Էմիլիո Նավայի նկատմամբ 6:7 (6:8), 6:4, 6:1 հաշվով:

Հանդիպումը տևել է 2 ժամ 11 րոպե։

Տորոնտոյում կայանալիք մրցաշարի 1/8 եզրափակչում Խաչանովը կմրցի նորվեգացի Կասպեր Ռուդի հետ:

Անցյալ տարի, երբ Կանադական Մասթերսն անցկացվում էր Մոնրեալում, Կարեն Խաչանովը երկրորդ փուլում պարտվել է իտալացի Մատեո Արնալդիին՝ 5:7, 5:7 հաշվով: 2023 թվականին Խաչանովը չի մասնակցել մրցաշարին, իսկ 2022 թվականին դարձյալ դուրս է մնացել երկրորդ փուլում՝ պարտվելով խորվաթ Մարին Չիլիչին 3:6, 2:6 հաշվով։ Այնուամենայնիվ, Կարենը երկու անգամ՝ 2018 և 2019 թվականներին, հասել է այս մրցաշարի կիսաեզրափակիչ։