Իվուն երկարաձգել է պայմանագիրը Ռուբինի հետ (տեսանյութ)

Հայաստանի ազգային հավաքականի կիսապաշտպան Ուգոչուկվո Իվուն երկարաձգել է պայմանագիրը «Ռուբինի» հետ։ Այս մասին տեղեկացնում է ռուսական ակումբի մամուլի ծառայությունը։

Նոր պայմանագիրը նախատեսված է մինչև 2028 թվականը։ Ռուբինը հետաքրքիր տեսանյութ է պատրաստել պայմանագրի երկարաձգման վերաբերյալ։

Իվուն «Ռուբինի» շարքերը համալրել էր 2023-ի հուլիսին։ Կազանը ներկայացնող ակումբի կազմում 25-ամյա ֆուտբոլիստը մասնակցել է 63 հանդիպման՝ դառնալով 2 գոլի հեղինակ։

Հիշեցնենք, որ Իվուն հանդես է եկել նաև «Ուրարտուում», «Փյունիկում» ու «Լոռիում»։ Նա ազգային հավաքականի կազմում մասնակցել է 17 հանդիպման։