Սպերցյանը ՌՊԼ-ի 4-րդ խաղում անընդմեջ դարձել է գոլային փոխանցման հեղինակ

Հայաստանի հավաքականի և «Կրասնոդարի» կիսապաշտպան Էդուարդ Սպերցյանը գոլային փոխանցման հեղինակ է դարձել ՌՊԼ-ի երրորդ տուրի՝ Մոսկվայի «Դինամոյի» դեմ խաղում։

Խաղն ավարտվել է 1:0 հաշվով՝ հօգուտ «ցուլերի»: Միակ գնդակը Սպերցյանի փոխանցումից հետո խփել է Ջոն Կորդոբան՝ 87-րդ րոպեին։

Սպերցյանն այսպիսով կրկնել է Պավել Մամաևի և Ժոաոզինյոյի նվաճումը՝ գոլային փոխանցում կատարելով ՌՊԼ-ի չորրորդ անընդմեջ խաղում։ Նախկինում միայն Մամաևին և Ժոաոզինյոյին էր հաջողվել անել դա։

Ընթացիկ մրցաշրջանի առաջին երեք տուրերից բացի, Սպերցյանը նաև գոլային փոխանցում էր կատարել նախորդ մրցաշրջանի վերջին խաղում՝ դարձյալ «Դինամոյի» դեմ։

«Կրասնոդարի» առաջատարի տրանսֆերային արժեքը կազմում է 25 միլիոն եվրո։ Ավելի վաղ լրատվամիջոցները հայտնել էին «Լիդսի» և «Այաքսի» կողմից ֆուտբոլիստի հանդեպ հետաքրքրության մասին, բայց առայժմ նա մնում է «Կրասնոդարում»: