Սաբա Սիդամոնիձեն կենտրոնական պաշտպան է. հայկական թիմ է տեղափոխվել «Բորժոմիից»։ Ազգությամբ վրացի ֆուտբոլիստը հանդես է եկել հայրենի երկրի տարբեր թիմերում՝ «Մեշախտե», «Թբիլիսի սիթի», «Սամթրեդիա» և այլն։
Թիմի շարքերը համալրել է նաև Հայաստանի չեմպիոն և գավաթակիր Խամես Սանթոսը, որը հայ երկրպագուներին ծանոթ է «Նոայի», «Փյունիկի» և «Ալաշկերտի» կազմում իր ելույթներով:
Կոլումբիացի պաշտպան Ջեֆֆերսոն Անդրես Գռանադո Մանյարեսը նախկինում կրել է «Վանի» մարզաշապիկը։ Ֆուտբոլիստը նախորդ մրցաշրջանում հանդես էր գալիս «Վեստ-Արմենիայի» կազմում։
Ավելի վաղ խաղացել է բուլղարական «Բոտև», «Կրումովգրադ», ռուսական «Վիստա» ակումբներում։
«Վան» է վերադարձել նաև Հայաստանի տարբեր տարիքային հավաքականների նախկին ֆուտբոլիստ, 25-ամյա Ալբերտ Մնացականյանը, որը 2023/24 մրցաշրջանում Չարենցավանը ներկայացնող թիմի կազմում մասնակցել է 23 հանդիպման։
Ֆուտբոլիստը նախկինում կրել է՝ «Ալաշկերտի», «Արարատի», «Կուբանի» և մի քանի այլ թիմերի մարզաշապիկները։
Թիմին է միացել 18-ամյա կիսապաշտպան Ալեքս Գալստյանը: Երիտասարդ ֆուտբոլիստը Չարենցավանը ներկայացնող թիմի շարքերը համալրել «Արարատ-Արմենիա-2-ից»։ Նա հանդես է Հայաստանի Մ-15, Մ-16, Մ-17 տարիքային հավաքականներում: Ընդհանուր առմամբ մասնակցել է 9 հանդիպման, խփել 2 գոլ։
«Վանի» մյուս նորեկը 20-ամյա դարպասապահ Հունան Գյուրջինյանն է, որը թիմ է տեղափոխվել «Փյունիկի» ակադեմիայից:
«Վան» ֆուտբոլային ակումբը տեղեկացնում է, թիմին է միացել նաև Հարութ Ասատրյանը։
