Շերիֆը հաղթեց, բայց Սերոբյանը խաղաժամանակ չստացավ

Մոլդովայի առաջնության 7-րդ տուրում «Շերիֆը» հյուրընկալվել էր «Դաչիային» ու հաղթեց 2։0 հաշվով։

Հայաստանի ազգային հավաքականի կիսապաշտպան Արթուր Սերոբյանն ընդգրկված էր «Շերիֆի» հայտացուցակում, բայց խաղաժամանակ չստացավ։

Այս հաղթանակից հետո Տիրասպոլը ներկայացնող ակումբը 16 միավորով գլխավորում է մրցաշարային աղյուսակը։ Հաջորդ տուրում «Շերիֆը» կմրցի «Պոլիտեխնիկայի» հետ, բայց մինչ այդ խաղը Սերոբյանի թիմը, Կոնֆերենցիաների լիգայի որակավորման 3-րդ փուլի շրջանակում հանդիպում կանցկացնի «Անդերլեխտի» հետ։