Խաչանովը ATP վարկանիշային աղյուսակում կշրջանցի Դանիլ Մեդվեդևին և կդառնա Ռուսաստանի երկրորդ ռակետը

Ռուս թենիսիստ Կարեն Խաչանովը Տորոնտոյում (Կանադա) կայանալիք Masters մրցաշարի կիսաեզրափակիչ հասնելուց հետո ATP-ի համաշխարհային վարկանիշային աղյուսակում կբարձրանա առնվազն 16-րդից 13-րդ հորիզոնական։

Հիշեցնենք, որ քառորդ եզրափակչում Խաչանովը 6:4, 7:6 (7:3) հաշվով հաղթել է ամերիկացի Ալեքս Միշելսենին։

Այսպիսով, Խաչանովը կդառնա Ռուսաստանի երկրորդ ռակետը՝ վարկանիշային աղյուսակում առաջ անցնելով Դանիիլ Մեդվեդևից։ Կարենը 13-րդն էր վարկանիշում, իսկ Մեդվեդևը, որը Տորոնտոյի մրցաշարի երրորդ փուլում պարտվել է ավստրալիացի Ալեքսեյ Պոպիրինին, նահանջել է 15-րդ հորիզոնական։ Ռուսաստանի առաջին ռակետը Անդրեյ Ռուբլյովն է։

Տորոնտոյում կայանալիք Masters մրցաշարի կիսաեզրափակչում Կարեն Խաչանովը կխաղա աշխարհի երրորդ ռակետ, գերմանացի Ալեքսանդր Զվերևի հետ։