Արմեն Մանուչարյանը և Ռումյան Հովսեփյանը` Լեռնային Արցախի ֆուտբոլիստներ
«Լեռնային Արցախի» կազմը համալրել են Հայաստանի հավաքականի նախկին ֆուտբոլիստներ Արմեն Մանուչարյանը և Ռումյան Հովսեփյանը:
30-ամյա պաշտպան Արմեն Մանուչարյանը հանդես է եկել հայկական մի շարք ակումբներում, ինչպես նաև ղազախական «Ակտոբեում» և ռուսական «Ռոտորում», ներկայացրել է Հայաստանի Մ-19, Մ-21 և Ազգային հավաքականները:
33-ամյա կենտրոնական կիսապաշտպան Ռումյան Հովսեփյանը նույնպես խաղացել է մի շարք հայկական ակումբներում, ինչպես նաև ուկրաինական «Մետալուրգում» և «Ստալում», բուլղարական «Արդայում» ու Մալթայի «Ֆլորիանայում»:
Հայաստանի Մ-19 և Մ-21 հավաքականները ներկայացրած Ռումյանը 22 հանդիպման է մասնակցել Ազգային թիմի կազմում՝ գրավելով ԱՄԷ-ի և Բելառուսի հավաքականների դարպասը:
