Ջանջոյանը հիշեցրել է, որ դեռ մարտի 1-ին ՀՖՖ նախագահի հրաժարականի պահանջով ակցիաների ժամանակ 9 երկրպագու ձերբակալվել էր «մասայական խուլիգանության» հոդվածով։
«Նախաքնությունը մոտենում է ավարտին, և առաջիկայում պարզ կդառնա՝ գործը դատարան կհասնի, թե կարճվի։ Մեր տվյալներով՝ ստադիոնի կողմից կա բողոք խոտածածկի մի քանի տասնյակ սանտիմետր հատվածի վնասման կապակցությամբ»,– գրել է նա։
Միևնույն ժամանակ, Ջանջոյանը քննադատել է «Հանրապետական» մարզադաշտում մեծամասշտաբ համերգի անցկացումը, որը լուրջ վնաս հասցրել խոտածածկին և ենթակառուցվածքներին․
«Երկրում միակ 4-րդ կատեգորիայի մարզադաշտում հաստատվում և անցկացվում է համերգ․ ստադիոնի ամբողջ խոտը, հնարավոր է նաև դրենաժային ու ջրամատակարարման համակարգը, ավիրվում է», – նշել է նա։
Համերգի ժամանակ հանդիսատեսը գտնվել է հատուկ ծածկույթների վրա, բայց Ջանջոյանի խոսքով՝ նման համերգներ սովորաբար կազմակերպվում են ժամանակակից, արդիականացված մարզադաշտերում, մինչդեռ «Հանրապետականը» չունի համապատասխան հնարավորություններ։
«Մարդիկ, ովքեր 6 տարի ազգային ստադիոնից խոսալուց, սիրուն մակետներ ցուցադրելուց էն կողմ բան չարեցին, ժամերի ընթացքում ավիրեցին Հանրապետականի խոտածածկը, որտեղ 17-18 տարի համերգ չէր եղել»,- գրել է նա:
Ջանջոյանը նաև մտահոգություն է հայտնել առաջիկա միջազգային հանդիպումների անցկացման վերաբերյալ․
«Որտե՞ղ է անցկացվելու Եվրոլիգայի փլեյ-օֆը / շատ մեծ հավանականությամբ Ջիբրալթարի արգելքը հաղթահարելու ենք/: Էլի Աբովյանի 4000-անոց ստադիոնո՞ւմ։ ՈՒԵՖԱ-ի ռեգլամենտով մենակ Հանրապետականը կարա ընդունի։
Մեկ ամսից պակաս Հայաստան է ժամանելու ֆուտբոլի գերաստղ Ռոնալդուն /ով իր պոպուլյարությամբ վստահ չի զիջում Ջեյ Լոին)/ և այլ ֆուտբոլային աստղեր։ Այդ խաղը որպես իրադարձություն տեղական և տուրիստական հետաքրքրության առումով չի կարող ավելի պակաս լինել.. լուսանկարներից դատելով խաղը անցնելու է կարտոֆիլի դաշտերում»,- եզրափակել է նա:
