Ցրվենա Զվեզդան հաղթեց առաջնության հերթական խաղում․ Տիկնիզյանը խաղաժամանակ չստացավ (տեսանյութ)

Սերբիայի առաջնության 4-րդ տուրում «Ցրվենա Զվեզդան» ընդունել էր «Բաչկա Տոպոլային» ու հաղթեց նվազագույն հաշվով։

Հանդիպման միակ գոլը հեղինակեց Ալեքսանդր Կատաին՝ 32-րդ րոպեին։

Հայաստանի ազգային հավաքականի պաշտպան Նաիր Տիկնիզյանն ընդգրկված էր տանտերերի հայտացուցակում, բայց խաղաժամանակ չստացավ։

Այս խաղից հետո «Ցրվենա Զվեզդան» 9 միավորով գլխավորում է մրցաշարային աղյուսակը։

Հաջորդ տուրում Տիկնիզյանի թիմը մրցելու է «Մլադոստի» հետ։ Մինչ այդ հանդիպումը «աստղերը» Չեմպիոնների լիգայի որակավորման 3-րդ փուլում պատասխան հանդիպում կանցկացնեն Լեհաստանի չեմպիոն «Լեխի» հետ։ Թիմերի միջև դիմակայության 1-ին խաղում հաղթել է «Ցրվենա Զվեզդան»՝ 3։1 հաշվով։