Գոռ Մալաքյանը կավարտի կարիերան և կմիանա Փյունիկի մարզչական շտաբին
Գոռ Մալաքյանը որոշել է ավարտել պրոֆեսիոնալ ֆուտբոլիստի կարիերան և միանալ «Փյունիկի» մարզչական շտաբին: Այս մասին հայտնում է մարզական լրագրող և ինսայդեր Սուրեն Մելիքսեթյանը:
Ֆուտբոլիստի կարիերայի ընթացքում 31-ամյա Մալաքյանը խաղացել է «Փյունիկում», «Ալաշկերտում», «Շիրակում», ուկրաինական «Ստալում», «Արարատ-Արմենիայում» և «Արարատում»: Նա 250-ից ավելի խաղ է անցկացրել Հայաստանի Բարձրագույն խմբի առաջնությունում, 18 խաղ՝ Հայաստանի ազգային հավաքականում:
Աղբյուրի փոխանցմամբ՝ Արտակ Օսեյանի մարզչական շտաբում կընդգրկվեն նաև Արթուր Ավագյանը և Արթուր Մկրտչյանը: Արթուր Մկրտչյանը և Օսեյանը երկար տարիներ եղել են Վարդան Մինասյանի մարզչական շտաբում: Արթուր Ավագյանն էլ աշխատում էր «Փյունիկի» համակարգում:
