Ցրվենա Զվեզդան Նաիր Տիկնիզյանի հետ դուրս է եկել ՉԼ որակավորման փլեյ-օֆֆ փուլ

Սերբական «Ցրվենա Զվեզդան» Չեմպիոնների լիգայի որակավորման երրորդ փուլի պատասխան խաղում սեփական դաշտում ոչ-ոքի է խաղացել լեհական «Լեխի» հետ։

Առաջին խաղն ավարտվել է Բելգրադը ներկայացնող թիմի՝ 3:1 հաշվով հաղթանակով։ Պատասխան խաղում «Ցրվենա Զվեզդան» պահպանել է իր առավելությունը՝ 1:1 հաշվով ավարտելով հանդիպումը։ Սերբական թիմի կազմում գոլը խփել է Շարիֆ Ն'Դիայեն՝ 11 մետրանոց հարվածաշարից (45-րդ րոպե), իսկ լեհերի կազմում՝ Միքայել Իշակը (93)։

«Ցրվենա Զվեզդայի» կազմում ամբողջ հանդիպմանը մասնակցել է Հայաստանի հավաքականի պաշտպան Նաիր Տիկնիզյանը։

Չեմպիոնների լիգայի որակավորման փլեյ-օֆֆ փուլում Տիկնիզյանի թիմը կխաղա կիպրական «Պաֆոսի» դեմ։ Խաղերը կկայանան օգոստոսի 19-ին և 26-ին։