Ամեն ինչ լուրջ է․ Սպերցյանը՝ հնարավոր տեղափոխության մասին
Ռուսաստանի գավաթի խաղարկության խմբային փուլի 2-րդ տուրի Մոսկվայի «Դինամոյի» դեմ խաղից հետո Հայաստանի ազգային հավաքականի կիսապաշտպան Էդուարդ Սպերցյանը խոսել է իր հնարավոր տեղափոխության մասին․
«Տեղափոխության մասին դեռ վաղ է խոսելը, բայց որ ամեն ինչ լուրջ է՝ այո։ Կա առաջարկ ու երբ վերադառնամ Կրասնոդար կզրուցեմ ակումբի նախագահի հետ ու որոշում կկայացնենք»,-ասել է Սպերցյանը։
Ավելի վաղ հայտնել էինք, որ «Սաութհեմփթոնը» պաշտոնական առաջարակ է արել Սպերցյանի տրանսֆերի համար։
Հիշեցնենք, որ այսօր կայացած խաղում 25-ամյա կիսապաշտպանը դարձել էր գոլի հեղինակ, իսկ «Կրասնոդարը» հաղթել էր 4։0 հաշվով։
Նախորդ մրցաշրջանում Սպերցյանը «Կրասնոդարի» կազմում դարձել է Ռուսաստանի չեմպիոն՝ ակումբի պատմության մեջ առաջին անգամ։ ՌՊԼ-ի ընթացիկ մրցաշրջանում նա երեք խաղում ունի մեկ գոլ և երեք գոլային փոխանցում:
