ՀՖՖ. Հայաստան-Պորտուգալիա հանդիպման տոմսերը ձեռք բերելու համար կթողարկվի հերթային համակարգ
Հայաստանի ֆուտբոլի ֆեդերացիան հայտարարությամբ է հանդես եկել՝ Հայաստան-Պորտուգալիա հանդիպման տոմսերի վաճառքի վերաբերյալ:
«Tickets.ffa.am կայքում այցելուների մեծածավալ հոսքի պատճառով առաջացել են տեխնիկական խնդիրներ, որոնք կարգավորվում են:
Այսօր՝ ժամը 14:00-ից, Հայաստան-Պորտուգալիա հանդիպման տոմսերը ձեռք բերելու համար կթողարկվի հերթային համակարգ, որն ավելի պարզ ու անխափան կդարձնի գնման գործընթացը»,- ասվում է ֆեդերացիայի տարածած հաղորդագրության մեջ:
Հիշեցնենք՝ յուրաքանչյուր անձ կարող է գնել Հայաստան-Պորտուգալիա հանդիպման ոչ ավելի, քան 2 տոմս:
