Խաղից ու արդյունքից բավարարված չեմ․ Մանուել Տուլիպա (տեսանյութ)

Կոնֆերենցիաների լիգայի որակավորման 3-րդ փուլի «Արարատ-Արմենիա»-«Սպարտա Պրահա» հանդիպումից հետո երևանյան ակումբի գլխավոր մարզիչ Մանուել Տուլիպան խոսել է խաղի մասին ու պատասխանել լրագրողների հարցերին․

«Երկկողմանի լավ խաղ էր։ «Արարատ-Արմենիան» խաղից խաղ լավացնում է իր խաղի որակը։ Որակյալ ֆուտբոլ տեսանք, բայց 2 գոլի դեպքում էլ ոչ պարտադիր գոլ ընդունեցինք ու տեսանք այն հաշիվը, որը գրանցվեց։

Խաղից ու արդյունքից բավարված չեմ։ Գոլեր ենք բաց թողել, որոնք պարտադիր չէին։ Եթե գնահատենք մրցակիցներին՝ «Սպարտային» կգնահատեմ 9, «Ունիվերսիտատեա Կլուժին»՝ 6-7։ Ընդգծեմ, որ այն սխալները, որոնք թույլ տվեցինք, թե՛ 1-ին խաղին, թե՛ 2-րդ, եթե թույլ չտայինք, հնարավորություն կունենայինք լրացուցիչ ժամանակի»։

Մանրամասն տեսանյութում․



Հիշեցնենք, որ հանդիպումն ավարտվել էր չեխական թիմի հաղթանակով՝ 2։1 հաշվով։ Դիմակայությունում «Արարատ-Արմենիան» զիջելով 2։6 հաշվով՝ լքեց Կոնֆերենցիաների լիգան։