Fastex Պրեմիեր լիգայի 3-րդ տուրի՝ օգոստոսի 17-ին Աբովյանի Քաղաքային մարզադաշտում նշանակված «Փյունիկ» - «Արարատ-Արմենիա» հանդիպումը հետաձգվել է։
«Փյունիկի» մամուլի քարտուղարությունը հայտնում է՝ վերանշանակված օրվա մասին կտեղեկացնի ավելի ուշ։
ՀՖՖ մրցումների բաժինը նաև այլ փոփոխություն է կատարել Fastex Պրեմիեր լիգայի խաղացանկում, մասնավորապես․
3-րդ մրցափուլի «Գանձասար» - «Նոա» խաղը՝ նշանակված հուլիսի 17-ին Երևանի «Ջունիոր սպորտ» մարզադաշտում, տեղափոխվել է Աբովյանի Վահագն Թումասյանի անվան մարզահամալիր՝ սկիզբը ժամը 20։00-ին, որտեղ դաշտի տեր ակումբ կհանդիսանա ««Նոան»։
Համապատասխանաբար 16-րդ մրցափուլի «Նոա» - «Գանձասար» խաղը՝ նշանակված Վահագն Թումասյանի անվան մարզահամալիրում, տեղափոխվում է Երևան «Ջունիոր սպորտ» մարզադաշտ, որտեղ դաշտի տեր ակումբ կհանդիսանա «Գանձասար» ՖԱ-ն։
