ԲԿՄԱ-ն հաղթեց Շիրակին․

Fastex Պրեմիեր լիգայի 3-րդ տուրում ԲԿՄԱ-ն ընդունել էր «Շիրակին» ու հաղթեց 2։1 հաշվով

Հանդիպման հաշիվը բացեց Գրենիկ Պետրոսյանը՝ 26-րդ րոպեին։ 51-րդ րոպեին «Շիրակի» դարպասին նշանակված 11-մետրանոցը հետ մղեց Սոկրատ Հովհաննիսյանը։ 70-րդ րոպեին Նարեկ Ջանոյանը գրավեց իր նախկին թիմի դարպասը՝ հաշիվը դարձնելով 2։0․ 2 դեպքում էլ գոլային փոխանցման հեղինակ դարձավ Վյաչեսլավ Աֆյանը։ Սա Աֆյանի 3-րդ գոլային փոխանցումն էր ընթացիկ առաջնությունում։

76-րդ րոպեին Լյովա Մրյանը կրճատեց հաշվի տարբերությունը՝ խփելով իր 5-րդ գնդակը բանակայինների դեմ խաղերում։

Այս հանդիպումից հետո ԲԿՄԱ-ն ունի 4, «Շիրակը»՝ 1 միավոր։

Հիշեցնենք, որ 3-րդ տուրի մյուս խաղերում «Ուրարտուն» 2։0 հաշվով հաղթել էր «Վանին», «Ալաշկերտը» 3 անպատասխան գնդակ էր ուղարկել «Արարատի» դարպասը։ Վաղը կկայանա «Նոա»-«Գանձասար» հանդիպումը, իսկ «Փյունիկ»-«Արարատ-Արմենիա» հանդիպումը հետաձգվել է։